y3ny ba7bk

ممممممم والله كانت أيام جميلة أوى…..
فاكر !! أول مرة نتكلم فيها وأنا مكسوفة موووت وفى نص هدومى ؟ :D
واقفة عمالة اشبك صوابعى فى بعضها ومكسوفة ابصلك قال يعنى وش كسوف :))
ومن أول لما اتكلمنا لحد لما مشيت مقولناش غير سلامات
 :D:D
كان شكلنا يهلك من الضحك =))
ولما مشيت وكلمتك عالموبايل متعرفش الرغى ده كله جبناه منين ؟
وكان فين لما كنا سوا !!!
ولا أول مرة كلمتنى فيها عن صفات البنت اللى انت نفسك ترتبط بيها
قال يعنى بتعرفنى بس من باب العلم بالشىء وانت اصلا كنت بتوصفنى
وفى الآخر تقولى “تفتكرى يا أمنية هلاقى واحدة كدة؟؟ وهتقدر تستحملنى؟؟”
وأنا بكل برود ورخامة بصراحة يا….. ومن غير كدب ولا مجاملة معتقدش انك هتلاقى حد فى الصفات دى ومعتقدش كمان انك هتلاقى حد يستحملك :P
ممممممممم أنا بقول كدة بردو عشان كدة فاقد الأمل
أنا : مممممم لاااأ خير ان شاء الله ربنا يقدملك اللى فيه الخير متقلقش
هو: أمنية هو إحنا ممكن نرتبط؟؟مثلا يعنى؟؟
أنا : وانا ميتة من الفرحة والضحك  آااااه
هو: بجد ياأمنية؟؟يعنى هتستحملينى؟
آااااه هستحملك
أمنية ؟؟ أنــــا……..أناااااااااا…….
أنا فرحان أوى هيهيهيهيهييهيه
على فكرة انت رخم  :@
أنا بحبك يا مونى
مونى حضراتكم أول مرة تسمع الكلمة دى :|
 أنا كمان قولتله أنا كمان بحبك على فكرة أوى
وبس بقى ارتبطنا
وهبقى اكملكوا بقى بعدين انى طلعت بحبو أوى ….
للحديث بقية بأة
اصلى بحب الفضايح :D

عنيدة ومحبش حد بفرض حاجة عليا ولا يطلب منى حاجة وأنفذها كدة على طول إلا بمزاجى
أيوة ومحبش أقول طيب وحاضر ونعم وأنا آسفة والكلام ده كله ماليش فيه
كلو كووووم ولما بتطلب منى طلب وكلمة حاضر دى تطلع تلقائيا كوم تانى :|
ولا لما تقولى عشان خاطرى بحس بضعف رهيييييب قدام الكلمة دى
مينفعش أقول لااااأ
مينفعش أى جدال قدام الكلمة دى
قد إيه بحب أسمعها أصلى بحب أشوفك أوى وانت بتتحايل عليا :D:D
خصوصا لما أكون مخنوقة من حاجة أوى وتقولى عشان خاطرى روقى مبحبش أشوفك كدة
مهما حاولت أدارى زعلى وخنقتى عليك بتحس بيا وبتعرفنى من صوتى
بحبنى أوى لما بقولك نعم وحاضر ولاااأ متزعلش أنا أصلا مقدرش على زعلك
بحبنى أوى لما أحس إنك راضى عنى وبتثق فيا وفى ذوقى
بطير من الفرحة لما تاخد رأيي فى حاجة تلبسها ولا موضوع مش عارف تاخد قرار فيه
وبفرح أكتر لما تعمل برأيي
بحس إنى حاجة مهمة فى حياتك
بشوف فى عنيك ألف شكر ومليون ربنا يخليكى ليا :)
على قد منا بنفذ كل اللى تطلبه منى بالحرف ومش بحب أقولك لاااأ على أى حاجة
على قد ما بحب أضايقك وأقولك لااأ مش عاملة كدة
وبعدها أفضل أضحك وأقولك خلاص عشان صعبت عليا :D
عارف !!
أنا ما بكرهش فى حياتى قد كلمة أنا آسفة دى
حتى لما أكون غلطانة ولازم أعتذر بقعد ألف وأدور وما بقولهاش صريحة
ممكن أقول مثلا خلاص متزعلش حقك عليا أنا غلطانة
بس لما بعمل حاجة تضايقك إنت بالذات والله أنا آسفة بتتقال عااااااادى معرفش إزاى :|
بحس إنك ساحرلى …
أيوة ساحرنى
كل مبدأ كنت واخداه طول حياتى بيتغير معاك
معاك ببقى ليا مبادىء تانية خالص غير اللى بتعامل بيها مع أى حد
أه والله ده بجد :)

كنت طول عمرى زيي زى أى بنت أرسم صورة فى خيالى لفارس أحلامى
 شكل معين وطبع معين وخفة دم وحبوب ووسيييييييييييم :D:D
بس تصدق !!
حاسة إن كل اللى اتمنيته لقيته فيك
كإنى كنت بوصفك قبل ما أعرفك
حتى إسمك كنت بحبه أوى وأقول يارب أحب حد اسمه كدة وهو كمان يحبنى  :)
آاااه والله بحبك وبحب إسمك :$
بفرح أوى لما أقولك حاجة تضحكك أو حاجة تفرحك
 بفرح جداااااا لما أسمع صوت ضحكتك
بحس إنك بتقولى ربنا يخليكى ليا أنا حياتى ملهاش طعم من غيرك
ماتتصورش إنت قد إيه أنا بحب أسمع الكلمة دى “ربنا يخليكى ليا ”
بحس إنك فعلا محتاجلى زى مانا محتاجالك ومقدرش أعيش من غيرك
أد إيه الكلمة دى بتطمنى
قد ايه بحب اسمعك وانت بتقولى يا مجنونة ولا انتى يا بت !!

مهو طبعا محدش يتجرأ يقولى كدة غيرك
إنت تقول اللى إنت عايزه أسااااااااااااااااس يعنى ;)
ولا لما نكون بنتكلم فى موضوع بجد شوية وأنا أبقى مبتسمة وإنت قلقان أو مركز كدة ومكشر
وأنا بإيديا أرسم على شفايفى إبتسامة عشان تشوفها وتبتسم
كدهووو :)
مممممممممم ولا لما بنتناقر سوا ونستفذ فى بعض واحنا هنموت من الضحك على كلامنا =))
مع إنى عارفة وواثقة ومتأكدة أن كل حاجة فيك أو تخصك هى أحلى حاجة بتشوفها عنيا  وإنت كمان كدة بيتهيألى
ولا إيه ؟؟؟ إحم إحم ^_^
بس بردو بنفضل نتناقر ونرخم وأنا عارفة إنك فى الرخامة محدش بيغلبك
وكل مرة بقولك بلاش إنت بلاش السكة دى معايا وفى الآخر بستسلم وبرفع الراية البيضة
وأقولك خلاااااااااص أنا آسفة مش هرخم عليك تانى :D:D
وحشتنى رخامتك أوى والله

أيوة من ساعة ما حبيتك وأنا عايشة حياة تانية …
حياة حبيتها بحلوها ومرها ..
بكل كلمة اتقالت فيها ومش بنساها …
بكل مكان مشينا فيه سوا وانا بتلكك عشان أمشى منه كل يوم
واتخيلك ماشى معايا وبتكلم وبنهظر ….
ولا طول ما أنا ماشية معاك وأنا بخبط فيك فى أى مكان زحمة وإنت خايف عليا وكل شوية تتلفت عشان تطمن عليا :)
وكل لما أخبط فيك غصب عنى وإنت تهظر معايا وتقولى عيب كدة يامونى :P:P
وأنا طبعا أتكسف كالعادة :P
وأقولك على فكرة مش قصدى غصب عنى وأنت تفضل تضحك كأنك بتحب تستفزنى عشان تشوفنى وأنا مكسوفة
قال يعنى وش كسوف أوى برضو :D:D:D
فكرك الحاجات الصغيرة النونو دى أنا بنساها؟؟
أو بتكون حاجة تافهه كدة بالنسبالى؟؟
لاأااااااااا أحب ألفت نظرك إنى مش بنسى أى حاجة بتقولها
ولا أى تصرف بتتصرفه
 ولا أى مكان لينا فيه ذكريات حلوة
الفكرة مش فى إنى بنسى أو مبنساش
الفكرة فى إنى بحبك :$
بحبك يعنى مينفعش أنسى
 يعنى مينفعش مفكرش فيك
يعنى مينفعش تكون بتتكلم وأنا أكون مش معاك
يعنى ما ينفعش أقولك لااااأ
يعنى ماينفعش أعمل زى البنات الهبلة وأفضل أستفذ فيك عشان أعرف انت بتغير عليا ولا لاأ
ولو إنى عارفة إنك بتغير موووووت ودمك حااامى
بس أنا بقول “إتق شر الحليم إذا غضب” وأنا أصلا ماأقدرش أزعلك ولا أضايقك :((
داأنا لو أطول أقولك قدام الدنيا كلها إنى بحبك هعمل كدة
لولا الملامة إنت عارف
 :$

يعنى كل يوم بليل أقعد مع نفسى وأفكر فيك وفيا وفى المستقبل الجميل اللى برسمو لينا
يعنى لما هغلط هتزعل منى وهتزعقلى وأنا هزعل عشان أول مرة تزعقلى فيها
وهتيجى بعدها تصالحنى وتقولى متزعليش مش قصدى أزعلك
وأنا هقولك أنا آسفة مكنش قصدى أضايقك
وإنت هتبتسم وتحضنى أوووى ^_^
يعنى لما هكون تعبانة شوية وبتدلع عليك
إنت هتاخدنى على أد عقلى وتقولى سلامتك مش عايزك تتحركى إلا لما تبقى كويسة
وبعدين هتصعب عليا وإنت محتاس ومش عارف تعمل حاجة لواحدك
وهبطل دلع وأقوم أساعدك :P
يعنى لما هتيجى من برة متأخر وأنا هبقى صاحية مستنياك
هعمل نفسى نايمة عشان أشوفك هتعمل إيه !!
يعنى لما حد يسلم عليك وتيجى تعرفنا على بعض هتقول دى “المدام” وأنا هفرح
وهمسكك من إيديك بالجاااامد
يعنى لما أسمع أغنية بالصدفة ليها ذكريات معانا هبتسم
وهقووول ربنا ميحرمنيش منك :)
يعنى لما تضايق من تصرف معين أنا عملته هتبرقلى O_O
وأنا هخاف لتكون زعلت وأول لما نتكلم أفضل أتوه عالموضوع
يمكن تنسى :D:D
يعنى لما بصحى كل يوم بدرى عشان أجهزلك الفطار قبل ما تروح شغلك
وفى يوم نكون سهرانين
إنت هتصحى الصبح تفضل تتسحب وإنت بتلبس عشان ما تصحنيش :)
يعنى لما هتكون حاجة مضايقاك وتتنرفذ عليا وأنا هزعل
هتيجى تصالحنى وتقولى : هو أنا ببقى وحش أوى كدة وأنا مضايق؟؟^____^
وأنا هحضنك أوى وهقولك
بردو
بحبــــــــــــك <3